يا لحـون العـود.. والا يـا مجاريـر الربابـه
إختلف معنـى القصيـد وضيّـع الفنـان فنـه
حلم.. مدري علم.. مدري نوض برقٍ في سحابه؟
اثرهـا طلـة جبينـه يـوم زاح الليـل مـنـه
أقبلت مثل الفرس لا سمعـت طبـول الحرابـه
مقتفيهـا ليـلٍ أســود والنـجـوم يفرّقـنـه
النهـار يمـر ويعـدي وليلـه فـي عقـابـه
النحـر صبـحٍ تجلـى والجدايـل كنّهـنّـه ...
مخمـلٍ يلتـف فـوق الجيـد الالتـع بالنيابـه
عن سلاسيل الذهب والمـاس خـوف يجرّحنـه
غاب عني والولـه خـلاه عنـدي فـي غيابـه
ما درى ان فرقاه نار ولا درى ان لامـاه جنـه
يا وجودي وجد من صفق على ماضـي شبابـه
بـان شيبـه والسنيـن اللـي يبيهـن خالفنـه
غرّته خضر السنين وراح عمـره مـادرى بـه
غرّرنـه وارفعنّـه لـيـن ســجّ وحوّلـنّـه
ويا وجـودي وجـد عـودٍ لا عيـال ولاقرابـه
مـا جـداه الايـونّ ويـردف الونـه بـونـه
ما لقـى فزعـة رفيـق ولا دَعَـوةٍ مستجابـه
كل ما امسـى لـه بظـنٍ خيّبـت الايـام ظنـه
هذا وجدي في غيـاب اللـي نـزح والله جابـه
صح فرض الله فرض.. وسنة المرسـول سنـه
الغلا جسمٍ رقيـق ومرهـف احساسـي ثيابـه
مثل غصـن الـورد يومـنّ الهبايـب يطرقنـه
مـا زرعـت الا غـلاه ولا نقلـت الا صوابـه
والحشا ما ضاق من خضر الطعـون المستكنّـه
يا حبيبي ما زهـا كـف الخضـاب الا خضابـه
فيـه نظـم المفـردات وفيـه للعشـاق عنـه
الظبـي مالـه شبيـه وبينـك وبينـه تشابـه
التفت بشويش والقى فيـه منـك وفيـك منـه
خالقك من فضّل محمـد علـى كـل الصحابـه
وصخرك مثل المهار اللـي تصخّرهـا الأعنـه
والثنا والشكـر للـي رحمتـه تسبـق عذابـه
لا لخلـق الله شـكـر ولا لخـلـق الله مـنّـه
قاله اللي مـا خـذا مـن مـا يريـد الا هبابـه
خيرة الفـارس ثنيّـه خيـل صفـراً مستعنـه
الشاعر:سلطان وسّام الهاجري

صح ذوقك

قصيده رائعه ونقل اروع،

قصيده رائعه

صح ذوقك واختارك

يعطيك العافيه ولاهنت