» لبيـِـِـِہْ ♥
12-22-2009, 01:56 AM
قصيده بلاعنوان
الله يـ [عٌ]ـطي ک إألف [عٌ]ـآفيـہ
لاعدمناك
...
كل الــود والأحـ ت ــرام لك
ونبقى في انتظار الجزء الثالث
تسلمي عزيزتي
قصيده بلا عنوان
12-22-2009, 08:39 AM
الفصل الثاني (موت الجده)
صحت منار من النوم مضايقه تصحى بدري عشان تصحي مرام للمدرسه وتجهز ماجد
منار:بابا
ابومحمد:نعم يابابا
منار:صدري ضيق
ابومحمد:وش فيك يعورك شي تحسين بشي
منار:لابس مدري وش فيني
ابومحمد:سمي بالرحمن وتعوذي من الشيطان ورجعي نامي
منار:ان شاء الله
ابومحمد يفكر ويقول في نفسه يابنيتي مدري وش فينا حتى انا احس بنفس الاحساس
بس اعوذ بالله من الشيطان الرجيم
خلني اروح اودي العيال للمدرسه
بعد مارجع ابومحمد راح يدورله شي يسويه
منار بغرفتها منسدحهعلى السرير وتتقلب يمين ويسار لين غطت عينها
ام محمد صحت ونزلت جلست بالصاله
ونادت الشغاله وقالت لها تسوي لها القهوة وقالت لها لاتصحين منار خليها لين تصحى بروحها
رن التليفون ترررن ترررررن
ام محمد:آلوو
ام محمد:شنووو لاآآآ
ام محمد تصرخ لآلآآآآآ اشلووون
وعلى صوت ام محمد صحت منار مفزووعه ونزلت ترررركض وهي تقول جدتي جدتي
وفعلآ الخبر كان ان الجده توفت منار مرتبكه خايفه
ودها تحضن امها ومن خوفها موقادره
منار من الصدمه موعارفه تتكلم ودموعها تنزل زي النار على خدودها
ام محمد لبست عباتها وراحت البيت الكبير ولحقتها منار
وكان الكل يصيح ومافي غير الدموع والكل ينتظر
شوي شوي بدا الكل يروح للمغيسل
الكل راح ومابقى غير منار جالسه تصيح ومعها عمتها اللي ماقدرت تروح لأنها ماتتحمل
شوي وجات مريم اخت منار الكبيره مريم كانت جايه بسرعه بسرعه تصيح
وجلست تهدي منار والعمه
شوي دق جوال مريم
مريم:آآلووو
مريم:اي الحين بطلع
منار: وين بتروحين
مريم: بروح المغيسل مقدر اني اجلس هنا وهم كلهم هناك
منار: وانا بروح
مريم: لايامنار انتي ولا مره رحتي هناك
منار:انا ابي ارووح
مريم :طيب باخذك يلا لبسي عباتك
ركبوا السياره ومنار تصيح وتفكر ياترى بتقدر تتحمل الموقف
بتقدر تشوف جدتها وهي في هذاك المنظر
وفجأه وقفت السياره
منار زاد خوووفهاا وقلبها يدق بسررعه
نزلت مناروهي تجر رجولها جر وصلت عند الباب ووقفت
دخلت مريم ومسكت يد منار ودخلتها معاها
منار دخلت مكان اول مره بحياتها تدخله وكان فيه حريييم كثييير
ومنار كانت تدور على امها بعيونها وهي واقفه مكانها
مشت شوي شوي وهي تصيح والحريم اللي تحضنها واللي تقولها ادعي لها
منار تناظرمناظر اول مره تشوفها في غرفه داخل الغرفه تناظر اللوحه اللي فوق باب الغرفه المسكره
مكتوب عليها ممنوع الدخول لغير المصرح لهم
وتسمع صوت ماي واصوات حريم يصيحون ويدعون
منار وقفت في مكانها بدون اي حركه تقلايباً نص ساعه
بس دموع تنزل وانفتح الباب وشافت منار امها وراحت بسرعه وحضنتها
ام محمد وهي تصيح: انتي ليه جيتي
منار: ماقدرت اصبر
منار حضنت امها وصاحت بصوت عالي وامها تهديها وتقولها
ام محمد: جدتك الحمدلله ماينصاح عليها شوفيها كأنها نايمه
منار تناظر وهي تقول لأ لأ
ام محمد مسكت منار وطلعتها برى عشان تهدا شوي
شوي الكل وقف الحريم جابوا الجده
يلا اللي تبي تسلم عليهاقبل نغطي وجها
منار ماقدرت تتحمل وقامت تصيح بصوت عالي
وهي تشوف الحريم يسلمون عليها واللي تقولها سلمي على ابوي
واللي تقول اخوي واللي ولدي واللي خالي
مريم نهدي منار وتقولها لاتصيحين بصوت عالي وش فيك
الحين ملائكه موجوده اسكتي شوي
منار غطت فمها بكم عبايتها وعضته تحاول تسكت نفسها
والكل سلم وابقى إلا هي ماسلمت سحبت رجلها وغمضت عيونها
وطبعت بوسه على جبين جدتها وقالت حافظك ربي ياالغاليه
مكانك الجنه ان شاء الله
وقالوا يلا وين عيالها ومحارمها اللي يبي يسلم عليها
منار عاضه على كم عبايتها وتحاول ان مايطلع صوتها
وبعد ما الكل سلم قالوا خلاص ترى بنغطي وجها وماعاد نفتحه
سلموا عليها مره ثانيه عماتي وقالوا لهم الحين خلاص
منار تناظرهم وهم يغطون وجها ويربطون الكفن
وبعد ماخلصوا نادوا الرجال عشان يشيلونها ويودونها المسجد
وهم يشيلونها يقولون لها عروس عرووس في الجنه ان شاء الله
هنا منار انهارت وقامت تصيح بصوت عالي شوي وتطيح
بس مامدها توصل الارض لن يد ابوها مسكتها ورفعتها ناظرت منار
وشافت انه ابوها يقولها خلاص يابابا عيب في رجال
ومنار تقوله خلاص راحت راحت مسكها ابوها وركبها السياره
ابو محمد راح يجيب العيال من المدرسه
وراحوا البيت وقالهم
ابو محمد:انتوا خلصوا وبدلوا وروحوا لحالكم البيت الكبير
انا بروح المسجد
ام محمد: ان شاء الله
نزلوا البيت مرام :ماما وش صاير
ام محمد:.............ساكته
مرام: اكيد جده صار فيها شي
منار صاحت بقوه وحضنت مرام وهدتها وقالت لها ان كل علامات الخير كانت بوجه الجده وكان وجها منووور
وهدت مرام
منار:مرام حبيبتي انتي اجلسي بالبيت مع ماجد لين بعدين انا اكلمكم اقولكم تجون
مرام :طيب
راحت منار تغير ملابسها وام محمد نفس الشي
وبعد ماخلصوا راحوا البيت الكبير
وبعدصلاة الظهر صلوا على الجده الله يرحمها
وبدا العزاء اللي استمر 7 ايام
وبعد 4شهور صارت الأيام روتينيه
يتبع....
قصيده بلاعنوان
قصه رووووووووعه
يعطيك العافيه
قصيده بلا عنوان
12-22-2009, 08:58 AM
يعافيك المولى خيوووو
الاروع متابعتك ومرورك
الله يحفظك
قصيده بلا عنوان
12-22-2009, 03:24 PM
الله يعافيكم
سعدت بمروركم ومتابعتكم
الله يسعدكم دنيا وآخره
يعطيك العافيه على هذا المجهود ارااااائع منك
جز رااااااااائع وجميل وتسلسل الادوار كان راااااائع وممئز
ننتظر الجز الثالث
لاعدمناك روعه قصيدة
قصيده بلا عنوان
12-23-2009, 03:56 PM
الله يعافيك
شاكره لك مرورك ومتابعتك
قصيده بلا عنوان
12-24-2009, 01:06 AM
يسلمووووو حبيبتي
الاروع مرورك ومتابعتك
الله يحفظك
الله يعافيك
بانتضار الجزء الثالث
على احر من الجمر
قصيده بلا عنوان
01-17-2010, 03:33 PM
يعافيك المولى خيتووو
الجزء الثالثه تلاقينه بالصفحه الثانيه